NLW MS. Peniarth 45 – page 293
Trioedd Ynys Prydain
293
y crist. Jaspart. Melchion. Baltasar.
A their ran y|dayar. Asia. Affrica. Euro+
pa. y pedwar tri. Pedwar defnyd
dyn. Tan. dỽuỽr. Awyr. Dayar. Ar
pedwar ewangelystor. Matheus. Marcus.
lucas. Johanes. A phedeir cogyl y dayar.
y pum tri. Pump synỽyr corff. Pump
llyuyr moessen. A phump wregys tan.
y chwe thri chwech oes byt. Ar chwe che+
rỽyn a|uu ar neithaỽr ieuan. Ar chwech
dremynt. y seith tri. Seith grad yr
eglỽys. a seith weddi y pader. A seith ni+
eu yr vythnos. yr vyth tri. vyth prif+
wyt pechaỽt. Ar ỽyth nyn a aeth ym
malch noe. Ar vyth wynt. y naỽ tri
naỽ ton eigaỽn. A naỽ grad nef. A naỽ
mis tymp. y dec tri. Degeir dedef. A
degỽm crist. A dec hyt rif. Trioed
TEir lleithiclỽyth ynys arthur ae wyr
prydein. Arthur yn pen teyrned
ym mynyỽ. A dewi yn pen esgyb.
A maelgỽn gỽyned yn pen hyneif. Ar+
thur yn pen teyrned yg kelli wic yg ker+
nyỽ. A|bitwini esgob yn pen esgyb. A|chara+
daỽc ureichuras yn pen hyneif. Arthur
yn pen teyrned ym pen rionyd yn|y gog+
led. A chyndeyrn garthwys yn pen esgyb
a gỽerthmỽl wledic yn pen hyneif; ~ ~
| « p 292 | p 294 » |