Cardiff MS. 1.362 (Hafod 1) – page 103v
Brut y Brenhinoedd
103v
aryant y peanda yr peidaỽ a|e
ryuelu. A gỽedy na mynnei pe anda
dim ganthaỽ. Sef a wnaeth ky nnog+
ni duỽ ac ef. A chyn bei llei y ni uer
noc vn peanda y rodi kat ar vaes i+
daỽ ar lan yr auon a elwit guinue . Ac y llas
peanda ar y deguet ar|ugeint o tywyssogyon y saes+
sson. a ry|uychan oll. A gwedy llad peanda y rodes
katwallaỽn y kyuoeth y ulfric y vab. Ac y kymyrth
ulfric tywyssogyon mers y ryuelu yn erbyn oswi.
Ac eissoes o|r diwed y kymodi a|wnaeth katwallaỽn
AC ỽyth mlyned a deugeint [ udunt.
gwedy goruot katwallaỽn y bu yn gỽledy+
chu. Ac ym pen yr ỽyth mlyned a|r deugeint. yd
aeth o|r byt hỽn y pymthecuet dyd o vis tachwed.
A|e gorff a gymyrth y brytanyeit ac a|e hirassant
ac ireideu gwyrthuaỽr. Ac y dodassant y myỽn de+
lỽ edyf gwedy dineu ar y lun e hun. o enryued gel+
uydyt. Ac y gossodassant y delỽ ar varch uch pen
y porth tu ar gorllewein yn llundein yr aruthyr
yr saesson. Ac y danaỽ y gnaethpỽyt eglỽys o
seint marthin. ac effeireit y ganu yndi rac y e+
neit. Ar gỽr hỽnnỽ a vu a marchaỽc evydaỽl ar
A Gỽedy daruot hynny [ darỽgan myrdyn
y kymyrth katwalaỽdyr vendigeit y vab
ynteu lewodraeth y teyrnas y laỽ. Mam kawa+
laỽdyr ynteu a oed chỽaer untat a pheanda. a|e
man* hitheu oed wreic vonhedic o dylyedogyon
ergig ac euas. A honno a gymyrth katwalla+
| « p 103r | p 104r » |