NLW MS. 3035 (Mostyn 116) – page 131r
Brut y Brenhinoedd
131r
o greulonaf agheu gỽedy ry|ffo ohonaỽ y vanachlaỽc
ac ymgudyaỽ. Ac yn|y tryded vlỽydyn custenhin o
vraỽt dỽywaỽl y gan gynan wledic a|las. A|cher ỻaỽ
vthyr pendragon o vyỽn cor y|ceỽri y cladỽyt. ~
A c yn nessaf y gustenhin y deuth kynan wledic yn
vrenhin. Gỽas jeuanc enryfed y glot a|e volyant
A|nei y gustenhin oed gynan a hỽnỽ a gynhalỽys
ỻywodraeth ynys. prydein. Ac a wisgỽys coron y|teyrnas am
y pen. A|theilỽg oed o·heni. pei na|chyfarffei giỽdaỽtaỽl
ryfel. ac ewythyr araỻ a oed idaỽ a dylyei gaffel y vren+
hinyaeth gỽedy custenhin hỽnỽ a garcharỽys ef Ac a
ladaỽd y deu vab. A|r eil vlỽydẏn o|e ar·glỽydiaeth y
A c yn|y ol ynteu y doeth gỽerth +[ bu varỽ ~ ~
efyr yn vrenhin. Ac yn erbyn hỽnỽ y deuth ỻyges
vaỽr o|r saeson o germania. Ac eissoes ef a|ymla+
dỽys ag ỽynt. Ac a gynhelis ỻywodraeth yr ynys. prydein.
pedeir blyned drỽy garyat a hedỽch. ~ ~ ~
A gỽedy hỽnỽ y deuth maelgỽn gỽyned yn vrenhin.
A theckaf gỽas hayach o|r hoỻ vrenhined a|thywys+
sogyon ynys. prydein. A|diwreidỽr ỻawer o wyr creulaỽn
kadarn yn arueu. ehalaethach no neb. A|chlotuorach|no|r
vn. pei nat ymrodei y|myỽn pechaỽt sodoma Ar* am hyny
yd oed gas ef gan duỽ. hỽnỽ a|gynhelhis ynys. prydein. yn hoỻ+
aỽl a whech ynys y·gyt a hi. Jwerdon. jslont. a gotlont
orc a ỻychlyn a denmarch. o vynych greulaỽn ymladeu
y darestygỽys ỽynt. Ac yn eglỽys ros ger ỻaỽ degannỽy
yn|y gasteỻ e|hun y bu varỽ. ~ ~ ~
A c yn nessaf y vael·gỽn y deuth ceredic yn vrenhin
gỽr a garei giỽdaỽtaỽl teruysc oed hỽnỽ kas gan
duỽ a|chan y brytanyeit oed ynteu A gỽedy gỽybot
| « p 130v | p 131v » |