NLW MS. Peniarth 15 – page 17

a|mi a|wẏdaf holl·ẏach a|phan rodes davẏd y|law|ar ẏ|llẏgeit ef ẏ|bvant holl+

yach ar* ẏna y|bendigawd pavlinvs davẏd o|bop bendith a|geffit ynn|ẏ+

sgrivenedic yn|y|dedyf hen Ac ẏn|ẏ newẏd Yna y|doeth angel at pav+

linvs a|dẏwedvt wrthaw val hẏn Amser heb yr angel yw ẏ davẏd

sant vẏnet odyma y|wnevthvr y|pethev ysyd dyghetven y|gan dvw

idaw y|wneuthvr Odyna y|devth dewi hẏt yn glastynbvri ac yno

yr adeilawd ef eglwẏs Dewi a|devth y|r lle yr oed dwfvr llawn

o|wenwyn Ac a|e bendigawd ac a|wnaeth y|dwfvẏr hwnnw ẏn dw+

ẏmẏn hẏt dẏdbrawt a hwnnw a|elwir yr enneint twymẏn Odẏna ẏ|devth

dewi hẏt yg|krowlan a hẏt ẏn repecwn Odẏna ẏ|devth y|gollan a|glasgwm

Odyna yr adeilawd llann llieni y|glan hafiren. Odẏna y|rodes waret ẏ|pebiawc

wrenhin ergẏng a|oed ẏn dall Odẏna ẏr adeilawd eglwẏs ẏg gwent ẏn|ẏ

lle a|elwir raclan Odẏna yr adeilawd eglwys ẏn|ẏ lle a|elwir llann gẏfẏue+

lach ẏg|gwẏr Dev sant a|oed yg|kedweli a|elwit bodvcat ac avantrvm a|ẏm+

roddassant yn dysgyblon idaw Odyna ẏr ymhoelawd dewi hẏt ẏ|lle a|elwit

vetvs rvbvs ac ẏno yr oed escop a|elwit Goellan a hwnnw a|oed vrawt ffyd ẏ

dewi A dewi a|dẏwat wrthaw angel yr arglwẏd a|dẏwat ẏmi ẏ|mae o|vreid ẏd|a

vn o|gant o|r lle hwn ẏ|ternas nef a|dangos a wnaeth lle arall ẏmi nyt aei

neb ẏ|vffern o|r a|vo ffyd da a|chret gantaw ac a|gladher ẏ|mẏnnwent ẏ lle hwnnw

hevẏt nẏt a|y|vffern A|dẏdgweith y|devth davẏd a|e disgẏblon nẏt amgen aedan

ac Jsmael ẏ|gelwit a|llawer ẏgẏt ac wẏnt hyt y lle a|vanagassei dvw vdvnt

Sef oed hwnnw hodnant ẏ|glẏnrosin ẏn|ẏ lle hwnnw ẏ|kynnevassant wẏ

dan kyntaf A|phan gẏnevassant tan ẏno y|bore glas ẏ kẏvodes mwc Ac. y.

kylchẏnawd ẏ mwc yr ẏnys honno oll a|llawer o|Jwerdon a hẏnnẏ o|r bore glas

hẏt osper Ac yna ẏd argannvv tẏwẏssauc a|elwit boẏa Ac yscot oed ẏ mwc

hwnnw ac o|lit eisted a|orvc ẏ|mẏw* kreic vchel o|r borev hẏt prẏt gosper heb

vwyt heb diawt a|e wreig a|vedrawd arnnaw ẏno ac a|ovẏnnawd idaw paham

na mẏnhei na bwẏt na diawat* Dioer heb ef trist wẏf a|llidẏawc mwc a|we  ̷+

leis hedrw* heb ef ẏn kyuodi o hodvant ac yn kẏlchẏnv llawer o|dinassoed.

Y|gwr heb ef a|gẏnneuawd ẏ|tan hwnnw ẏ|veddẏant ef a|gerda fford ẏ|kerdawd

ẏ|mwc heb ẏ|wreic ẏr wẏt ẏn ẏnvẏt kẏvot ẏ|vẏnẏd heb hi A|chẏmer dy|weis+

son ẏgẏt a|thi A|llad ẏ|neb a|gẏnnevaw* y|tan hwnnw ar dẏ dir heb dẏ|ganny+

at ac ẏna y|doeth boya A|e ẏsgwiereit ẏgẏt ac ef ar vedwl llad dewi a|e dis+

gẏblon A|phan doethant tv a|r lle yd oed dewi ẏ|dẏgwẏdassant ẏn|ẏ krẏt hẏt

na ellẏnt wẏ wnevthvr dim drwc ẏn|ẏ|bẏt ẏ|dewi nac y|disgyblon onẏt eu

gwattwar a|dẏwedvt geireu tremẏgedic ẏn|ẏ kyveir Ac ẏmhoelvt adref

ac val ẏ|bẏdẏnt velle nachaf wreic boẏa ẏn kẏvarvot ac wynt ac yn|dywe+

dvt Yn|bvgelyd ni a|dẏwessant* ẏmi rẏ|varw yn holl ysgrẏbẏl ni nyt amgen