NLW MS. Peniarth 15 – page 34

odineb dvw a|eirch ẏn|ẏ geir hwnnw na bo kẏtknawt rwg gwr a|gwreic

odieithẏr priodas kanẏs kẏntaf kreuyd a|orvc mab dvw vn priodas A|chẏ+

nnt vv ẏ|krevyd hwnnw noc offeirẏat Seithvet Geir. Dedyf. yw na|dwc

kam tystolẏaeth dvw a|eirch yn|ẏ geir hwnnw na chadarnnhao dẏn kel+

wẏd trwẏ twng nev trwẏ y|kolletto y|gẏmodawc o|e da pressennawl nev

o|e glot wẏthvet Geir. Dedyf. yw wna ledrat ẏn|ẏ geir hwnnw yd eirch dvw

y|dẏn na dycco da y|gẏmodawc o|e anvod nac y|treis na heb wybot idaw

nac o|twyll nac o ockẏr Nawvet Geir. Dedyf. yw Na|chwennẏcha na thir

na thẏ dy|gẏmodawc Sef yw hẏnnẏ trwẏ dwyll nev gamwed Decvet

Geir. Dedyf. yw na chwennycha wreic dy|gẏmodawc na|e was na|e vorwyn

na|e anniveil Sef yw hẏnnẏ na|chwenycha da kychwynnaw* dẏ|gymo+

dawc trwẏ dwyll nev drwy gamwed ~ ~ ~ ~ ~ ~ ~ ~

G wedẏ kattwo dẏn y|degeir dedyf Reit yw idaw ymgadaw* rac gwn+

nevthvr nev gytssynnẏaw yn vn o|r Seith pechawt marwawl A

chynnthaf* pechawt ohonvnt yw Seberwyt ẏmryfvẏgv o|dẏn ẏn|ẏ

gevdawt a|cheissaw ymdyrchavel yn vỽch|noc y|delẏho nev ymgẏfvar+

talv ac vch noc ef nev tremygv y|gystal dẏn nev a|vei is noc ef A

cheingev y|r pechawt hwnnw ynt annvfylltawd Gwarthav dẏn nev

y|tremẏgv Gwnnevthvr hoffed o|grevyd nev o|pechawt bot yn rẏvẏ  ̷ ̷+

gvs yr golvt bydawl nev yr boned nev gampev da a|r kẏffelẏb weith+

redoed Eil pechawt marwawl yw kynnvigen Sef yw hẏnny bot

yn drwc gan dẏn gwelet y|gẏmodawc yn|kẏnẏddv ar da bydawl nev

gampev da nev grevyd nev vot yn llawen gantav gwelet gofvt

nev drwc yn damweinaw idaw Trydẏd pechawc marwawl ẏw

digassed Sef yw hẏnnẏ kadw o|dẏn lit a|gwenwyndra yn erbynn

y|gymodawc o|achos collet nev gam a|wnelit idaw A|cheissaw ym+

dial ac ef A|r drwc trwẏ eir nev weithret Petweryd pechawt. Marwawl.

yw llesged a|diogi. A|cheighev y|r pechaw* hwnnw ẏnt ẏscaelvssaw gwassa+

naethv dvw ẏn|ẏr amser y|delẏho dẏn ẏ|wnevthvr nev ẏ|gẏrchv Tori|godvnet

petyaw a|phenẏt a|dottei ẏ|periglawr arnnaw annobeithaw am|drvgared.

dvw tristav yr colli da bydawl nev dẏnẏon A|r kẏffelyl* weithredoed. Pymhet

Pechawt. Marwawl. yw agawerdeb a|chebẏdẏaeth Sef yw hẏnnẏ whennychv o|dẏn

nev geissaw da bydawl mwẏ no digawn Sef yw digawn dẏn y|vwyt a|e

diawt a|e dillat Med Selyf doeth. Nev gwedẏ gaffei dẏn da bẏdawl y garv

yn ormod nev vot yn|law gayat* ymdanaw A|cheingev y|r pechawt hyn+

nẏ ynt treis a|lledrat Ac ockẏr a|phob twẏll gẏfnewẏt o|r|a|wnel dẏn ac

arall Chwechet Pechawt. Marwawl. yw glẏthineb Sef yw hẏnnẏ kẏmrẏt o dẏn

o achos digrivwch knawdawl bwyt nev lẏn moẏ no digawn a|cheingev