Breudwd Welsh Prose 1300-1425
Cymraeg

BL Additional MS. 19,709 – page 31r

Brut y Brenhinoedd

31r

y gilyd. a|r mur hỽnnỽ a|parhaỽys drỽy lawer o amser
ac a|e hetelis yn vynych y vrth y brytanyeit. a gỽedy na
aỻỽẏs sefyỻ y gynal ryfel a vei hvẏ yn erbẏn yr am  ̷+
heraỽdyr. Mynet a oruc hyt yn sithia y geissaỽ porth
y gan y fichteit y werescyn y kyfoeth drachefẏn. a gvedy
kynuỻaỽ ohonaỽ hoỻ ieuectit* a devred y|wlat honno
dyuot a|wnaeth ẏ ynys. prydein. a|ỻyges uavr gantav. a gỽedy
eu dyuot y|r tir kyrchu am ben kaer efravc a oruc. a
dechreu ymlad a|r gaer. a gvedy kerdet y chwedyl yn
honneit dros y|teyrnas yd ymedewis y ran vỽyaff
o|r brytanẏeit y rei a oed gyt a|r amheraỽdẏr ac yd aeth+
ant ar sulyen. ac yr hynny eissoes ny pheidassant yr
amheraỽdẏr a|e lu a|e darpar. namyn kynuỻaỽ gỽyr
rufein ac a|trigassei o|r brytanyeit y·gyt ac ef a|chyr+
chu y ỻe yd oed sulyen ac ymlad ac ef. ac yna eisso+
es pan oed gadarnhaf yr ymlad. y|ỻas seferus
amheraỽdẏr a|ỻawer o|e wyr y·gyt ac ef ac y brath+
ỽyt sulyen yn agheuaỽl. ac y cladvyt seferus yg
kaer efravc. a gvyr rufein a gynhelis y|dinas ar+
nadunt yr hynny. a deu vab a edewis seuerus. sef
oed eu henweu. basianus. a geta. basianus a ha+
noed y vam o|r ynys hon. a mam y ỻaỻ a|hanoed
o|rufein. a gvedy marv eu tat. sef a|wnaeth gvyr
rufein drychafel geta yn vrenhin a|e ganmaỽl
yn vvyaf vrth hannot* y vam o|rufein. sef a|wna+
eth y brytanyeit eissoes ethol basianus yn vrenhin
a|e ganmaỽl. vrth hanuot y vam o|r ynys hon.
ac vrth hynny sef a|wnaeth y brodyr ymlad. ac