BL Additional MS. 19,709 – page 5r
Ystoria Dared
5r
ymgyfaruot ac ef. a|r ymlad a gerdaỽd ual kynt ac ec+
tor a|ladaỽd filibetem y tywyssaỽc deỽraf o|roec a|thra
yttoed ef yn mynu y yspeilaỽ y deuth achil yn|y erbyn
ac yno y bu ymlad diruaỽr y veint. ac y kychwynỽẏs gaỽr+
ua vaỽr o|r casteỻ ac o|r ỻu oỻ. ac ector a vrathaỽd achil
yn|y vordỽyt. ac yna achil yn achubedic o dolur yn vỽy
ac yn graffach a ymlynỽys ector ac nyt ymdiwedỽys ac
ef yny ladaỽd ef ector. ac yna gỽedy ỻad ector. ef a yrraỽd
fo ar wyr troea ac a|e hymlynaỽd gan wneuthur aerua
vaỽr o|r|rei codedic hyt ym pyrth y casteỻ. ac yna memnon
a ymhoeles ar achil ac eỻ|deu yr ymladassant ỽy yn dur+
uig. ac o|r diwed yn ỻudedic ymwahanu a|wnaethant. a|r
nos yna a|wahanỽys yr ymlad. ac achil yn vrathedic a ym+
hoeles o|r ymlad at y|wyr. a|r nos hono gvyr troea a gỽy+
nassant ector. a gvyr goroec y|rei a|ladyssit ohonunt vynteu
a|thranoeth memnon a aeth yn dywyssaỽc ymlaen gỽyr troea
yn erbyn ỻu. ac yna agamemnon a|gyghores ac a annoges
y|lu geissaỽ kygreireu deu vis val y|gaỻei pop rei o·honunt
gladu y|gỽyr a|ladyssit udunt ac ar hyny kenadeu a gerdas+
sant at briaf. a gvedy cael kygreir deu vis. dra|e|kefyn y
deuthant. Priaf ual yr oed dyuaỽt gantunt ỽy gyrbron
y|pyrth yn anrydedus y cladỽẏt ector. y vab heb y vot yn
beỻ y ỽrth ved ilij vrenhin. a|thra|barhaỽys y|gygreir ny
orffoỽyssỽys palamides yn cỽynaỽ rac gorchygarch y bren+
hin yr eilweith. ac yna a·gamemnon a adnabu y vrat ac
a|dywaỽt y peidei ef a|r ỻywodraeth honno yn ỻawen ỽrth
y|kygor hvnnỽ. a gossottynt hỽy y|neb a vynynt yn|y lle
ef. a|thranoeth a·gamemnon a wyssyỽys y|bobyl ygyt ac
| « p 4v | p 5v » |