Bodorgan MS. – page 102
Llyfr Cyfnerth
102
Ny byd kynllỽyn ynteu o|r byd ar fford gyf ̷+
reith heb gud a heb gel arnaỽ. O|r byd ynteu
dros y fford pump kam kyfreithaỽl. kynllỽ ̷+
yn vyd. A llyna yr achaỽs y gỽedir uelly. ac
y telir yn deudyblyc. A llyna yr vn lle y dyly ̷+
ir croc ac anreith ymdanaỽ.
Seith escobty yssyd yn dyfet. A mynyỽ
yỽ y penhaf yg kymry. Llan ismael.
a llan degeman. a llan vssyllt. a llan teilaỽ.
a llan Teulydaỽc. A llan keneu. Abadeu tei ̷+
laỽ a theulydaỽc. ac ismael. A degeman a dy+
lyant vot yn yscolheigon urdolyon. Deudec
punt yỽ ebediỽ pop vn o hynny. Ac y arglỽ ̷+
yd dyfet y telir. Ar neb a del gỽedy ỽynt ae
tal. Ryd vy* mynyỽ o pop dylyet. llan ken+
eu a llan vssyllt ryd ynt o|r dylyet hỽnnỽ.
kanyt oes tir vdunt. Y neb a sarhao vn o|r
abadeu hynny; talet seith punt idaỽ a gol+
chydes o|e genedyl yr gỽaratwyd y|r gene ̷+
dyl ac yg cof y dial.
Tri dygyngoll kenedyl; vn yỽ bot
mab amheuedic heb dỽyn a heb di+
wat. A llad o hỽnnỽ gỽr o genedyl
arall heb dylyu dim idaỽ. talu yr alanas hon+
| « p 101 | p 103 » |