Bodorgan MS. – page 32
Llyfr Cyfnerth
32
yn anhed breyr; tanet y vantell arnaỽ a ch+
atwet yn gyfan ef hyt y bore. Ac ony doant
y kynydyon yna; bit vn vreint hỽnnỽ ar
rei gynt. O|r byd hela gellgỽn y ỽr ryd.
arhoet ef y bore hyny ollygho kynydyon
y brenhin eu kỽn teir·gỽeith. Ac odyna
gollyget ynteu. Pỽy bynhac a latho
hyd ar tir dyn arall; rodet wharthaỽr y
perchennaỽc y tir. onyt hyd brenhin
uyd. kany byd wharthaỽr tir yn hyd y
brenhin. O|r gỽyl ffordaỽl uỽystuil y·ar
y fford y myỽn fforest brenhin. byryet
ergyt idaỽ os myn. Ac os medyr ymly+
net trae gỽelo. Ac o|r pan el y·dan y olỽc;
gadet e| hunan;
HYt hyn gan ganhat duỽ kyfreitheu
llys ry| traethassam; weithon gan
borth y| gogonedus arglỽyd iessu grist kyf+
reitheu gỽlat a dangossỽn. Ac yn gyntaf
teir colofyn kyfreith. nyt amgen. Naỽ
affeith tan. A naỽ affeith lledrat. A naỽ
affeith galanas.
| « p 31 | p 33 » |