Breudwd Welsh Prose 1300-1425
Cymraeg

Bodorgan MS. – page 36

Llyfr Cyfnerth

36

yn| y amot. Ac uelly credadỽy vyd managỽr
a wnel dogyn vanac. A rodaỽdyr a gredir
am y da a rotho. Ac yna y dywedir. nyt oes
rod onyt o vod.
Llaỽ dyn ae troet ae lygat ae weus
ae glust gan golli y glybot. Ae trỽy 
whebu a whe vgeint aryant yỽ gỽerth pop
vn o·honunt. O|r trychir clust dyn oll y ym+
deith a chlybot o|r dyn arnaỽ mal kynt;
dỽy uu a deu vgeint aryant a tal. Keilleu
;vn werth ynt ar aelodeu vry oll. Taua  ̷+
ỽt e| hunan kymeint yỽ y werth ar saỽl
aelaỽt a| riuỽyt hyt hyn. Holl aelodeu dyn
pan gyfrifer yg hyt; ỽyth punt a phetwar
vgeint punt a talant. Bys dyn; buch ac
vgeint aryant a tal. Gỽerth y uaỽt; dỽy
uu a deu vgeint aryant. Gỽerth ewin 
dyn; dec ar hugeint aryant. Gỽerth y ky+
gỽg eithaf; whech ar hugeint a dimei a
thrayan dimei. Gỽerth y kygỽg perued;
dec a deu vgeint a dimei a deu·parth dimei.
Gỽerth y kygỽg nessaf; petwar vgeint.
Racdant dyn; pedeir ar hugeint aryant
gan tri drychafel. Pan talher racdant;