Bodorgan MS. – page 44
Llyfr Cyfnerth
44
pump niwarnaỽt. Ac yna atteb. Ac yn| y
naỽuetdyd barn. Os datanhud a ofyn dyn
o|r tir a werescenassei y dyuot a beich kefyn
idaỽ ae gynhal hyt varỽ. tri diwarnaỽt gor+
ffowys yn dihaỽl a geiff. Ac yn| y trydydyd
y dyry atteb. Ac yn| y naỽuetdyd barn.
Py diỽ bynhac y barnher datanhud; ny
dichaỽn neb o gyfreith y uỽrỽ o·honaỽ
onyt etiued priodaỽr ar datanhud. kany
dichaỽn yr eil datanhud gỽrthlad y kyn+
taf. Ac ny dichaun ampriodaỽr gỽrth ̷+
lad ampriodaỽr arall. Ac o|r byd amrys ̷+
son rỽg deu etiued priodaỽr gydrychaỽl;
ny dichaỽn vn o gyfreith gỽrthlad y gilyd.
Ny dyly neb datanhud namyn o|r tir a vo
yn llaỽ y tat yn| y uyỽ a hyt y varỽ. O|r
deu etiued gyfreithaỽl. Vn a uyd prio+
daỽr ar datanhud cỽbyl. ar llall ny byd
kanyt priaỽt datanhud cỽbyl y neb na+
myn yr braỽt hynaf. Breint y braỽt hy+
naf yỽ kymryt datanhud cỽbyl dros
y vrodyr. A chyt delhont ỽy o|e vlaen ef;
ny chaffant datanhud o gỽbyl. Ac os ky+
merant ỽy; ef ae gỽrthlad o·honaỽ os
| « p 43 | p 45 » |