Bodorgan MS. – page 72
Llyfr Cyfnerth
72
O|r kadỽ kyfreith o|r moch. dalyet yr hỽch
a uynho eithyr y tri llydyn arbenhic. A ga+
det o|r pryt y| gilyd. Ac yna kyniget yr
perchennaỽc. Ac onys dillỽg o|e chyfre+
ith; gỽnaet y deilyat y defnyd o·honei.
Sef yỽ y kadỽ kyfreith o|r moch. deu·dec
llydyn a baed. O|r kadỽ kyfreith o|r deueit
dauat a geffir. Ac o pump llydyn hyt y ka+
dỽ kyfreith; ffyrllig a geffir. Meint y ka ̷+
dỽ kyfreith o|r deueit; dec llydyn ar huge+
int. O pop oen. ỽy iar a geffir. O|r geif ̷+
yr ar mynneu; y dadyl gyffelyp. Y neb
a gaffo gỽydeu yn| y yt. torret ffon kyhyt
ac o pen elin hyt ymlaen y bys bychan.
yn refhet y mynho. A lladet y gỽydeu
yn yr yt a ffon. Ac a latho y maes o|r yt. ta+
let. Gỽydeu a gaffer yn llygru yt trỽy
ty neu trỽy ytlan. neu trỽy yscubaỽr. gỽas+
cer gỽyalen ar eu mynygleu. A gatter yno
ỽynt hyny uont veirỽ. Y neb a gaffo iar
yn| y ard lyn neu yn| y yscubaỽr. dalyet hi hy+
ny dillygho y perchennaỽc hi o ỽy iar. Ac
o|r deila y keilyaỽc. torret ewin idaỽ a golly+
get yn ryd. neu gymeret ỽy iar o pop iar
| « p 71 | p 73 » |