BL Cotton Cleopatra MS. A XIV – page 103v
Llyfr Cyfnerth
103v
A thros vach ny chymhello. A thros alanas.
Tri pheth or keffir ar ford nyt reit atteb y
neb o·honunt pedol. A notwyd. a cheinhaỽc.
TRi dyn y telir gueli tauaỽt udunt.
Yr brenhin. Ac yr braỽdỽr yn med ̷+
ylyaỽ am y uarn. Ac yr offeirat yn| y wisc
yn| y teir gỽyl arbenhic uch y allaỽr neu
yn darllein llythyr rac bron y brenhin neu
yn| y wneuthur. Tri lle yg kyfreith hy ̷+
wel y mae praỽf. Vn o·honu gureic bieu
proui treis ar ỽr. Eil yỽ kynogyn bieu pro+
ui uch pen bed y mach y uot yn uach ac
na diwygỽyt drostaỽ y uechniaeth tra uu
uyỽ. Trydyd yỽ proui bugeilgi. Teir pla
kenedyl. magu mab arglỽyd. a dỽyn mab
y genedyl yg kam. A guarchadỽ penreith.
Tri pheth a| tyrr ar amot. cleuyt. Ac ag ̷+
hen arglỽyd. ac aghenoctit. Tri pheth
a differ dyn rac guys dadleu. llefein. Ac
vtgyrn rac llu gorwlat. A llif yn auon
heb pont a heb keubal. a chleuyt.
| « p 103r | p 104r » |