BL Cotton Cleopatra MS. A XIV – page 66v
Llyfr Cyfnerth
66v
Y neb a wertho march ef a dyly y dilyssu rac
y dera tri bore. A rac yskeuein tri mis. A
rac llyn meirch ulỽydyn. A dilyssrỽyd
rac arall uyth. Pỽy bynhac a| uarchocco
march dyn arall heb y ganhyat. talet y
perchenaỽc y march pedeir keinhaỽc es ̷+
kyn a| phedeir disgyn. A phedeir yg kyue ̷+
ir pop rantir y kertho drostaỽ. A thri bu ̷+
hyn camlỽrỽ yr brenhin. Y neb a| uarcho ̷+
co march ỽrth y dỽyn y guarchae ny dyly
namyn hynny. Pỽy bynhac a|d·differho
march rac lladron. pedeir keinhaỽc
a geiff ef yg kyueir pop buỽch or a talho y
march. Pỽy bynhac a differho buỽch neu
ych rac lladron yn vn wlat ar perchenna ̷+
ỽc pedeir keinhaỽc a geiff. Os y gorwlat
y differ* ỽyth geinhaỽc a geiff.
Gỽerth llo venyỽ whech keinhaỽc or
pan anher hyt galan racuer. Ody+
na hyt galan wheuraỽr ỽyth a| tal. Hyt
galan mei dec a| tal. Hyt aỽst deudec a| tal.
| « p 66r | p 67r » |