BL Cotton Cleopatra MS. A XIV – page 72r
Llyfr Cyfnerth
72r
a geffir o·honu. A phyrllig o pop pym llyd ̷+
yn. Meint y kadỽ kyfreith or deueit dec
llydyn ar hugeint. O pop oen y telir ỽy
iar hyt y cadỽ kyfreith. Ac yna oen a telir
ohonunt. Or geiuyr ar mynneu y dadyl
gyffelyp. Y neb a gaffo gỽydeu yn| y yt.
toret fon kyhyt ac o pen elin hyt ymlaen
y bys bychan yn| y refhet y mynho. A llad ̷+
et y gỽydeu yn| yr yt. Ac a latho y maes
or yt talet. Gỽydeu a gaffer yn llygru yt
trỽy yscubaỽr neu trỽy ytlan. guasger
guyalen ar eu mynygleu a gatet* yno ỽynt
hyny uỽynt ueirỽ. Y neb a gaffo iar yn| y
yscubaỽr neu yn| y ard lin. dalyet hi hyny
dillyngo y pherchennaỽc hi o ỽy. Ac or deily
y keilaỽc torret ewin idaỽ a gollyget ym+
deith ef. neu gymeret ỽy o pop iar a uo
yn| y ty. Y neb a dalhyo cath yn| y ard lin.
talet y pherchenaỽc y llỽgyr. Y neb a| gaf+
fo lloi yn| y yt dalyet ỽy or pryt y gilyd heb
laeth eu mameu. Ac yna gollyget ỽy yn
| « p 71v | p 72v » |