BL Cotton Titus MS. D IX – page 12v
Llyfr Blegywryd
12v
TRi amheu braut yssyd; vn yỽ. bot amrys+
onn rỽg haulỽr. ac amdiffynnỽr am|y|varnn
a|rodet vdunt. ac yna y|mae y dosparth ar|y
braỽdỽyr a|e|rodassei. Eil yỽ; bot amryssonn
rỽg haulỽr a|braỽdỽr. ac ymỽystlaỽ am|y|varn.
Trydyd yỽ; bot ymỽystlaỽ rỽg amdiffynnỽr
a braỽdỽr am|y vraỽt. ac am|y|deu ymỽystlaỽ
hynny yt vyd y|dosparth a|r aỽdurdaut llyth+
yraul. canys diledyf gyffredin vyd yr aỽdur+
daut. Sef yỽ hynny braỽtlyuyr.
P Ennguastraut a geiff y|distein y|gan y
gayaf croen ych. a chroen buch yr|haf.
y|ỽneuthur kebystreu y|veirch y|brenhin.
a|hynny kynn rann y|crỽyn rỽg y|distein a|r
sỽydogyon. Ef a geiff coesseu y|guarthec
a|ladher yn|y gegin. ac o|aryant y|gỽestuaev
rann deuỽr. Henn gyurỽyeu. a|hen ffrỽyneu.
amỽs y|brenhin a|geiff. Pennguastraỽt a|r
gỽastradyon a|gaffant yr ebolyon gỽyllt oll
a|del y|r brenhin o trayan anreith. ancỽyn a ̷
geiff. nyt amgen. Seic. Ef a|dyly ystynnu
pob march a|rodho y|brenhin. ac o|bop march
y|keiff ef pedeir keinnauc. eithyr o tri. y|mar+
ch a|rodher y|r offeirat teulu. a|r vn a|rod+
her y|r braỽdỽr llys. a|r hỽnn a|rodher y|r cro+
essaeneit. canys rỽymaỽ troet kebystyr
| « p 12r | p 13r » |