BL Cotton Titus MS. D IX – page 46v
Llyfr Blegywryd
46v
eu a dywetter arnaỽ. OS gỽr eglỽissic a ̷
gynheil tir trỽy dylyet dan y|brenhin y|p+
erthyno gỽnneuthur gỽassannaeth y|r
brenhin ohonaỽ. ef a|dyly gỽrtheb yn|llys
y|brenhin o|r tir a|e berthyneu. kannys bren+
hin bieu tir y teyrnnas oll. ac onny ỽrth+
eb o|r tir yn vuyd. y|brenhin bieiuyd. kyn
gallo gỽr eglỽyssic bot y|myỽn barnn o ̷
vreint tir y·gyt a|lleyccyon hynny vo am ̷+
ser y datkanu. ny dichaun ef datkanu y
varnn trỽy gyureith rỽg kynnhenuss+
on kanyt oes werth gossodedic yg|kyureith
ar|y|tauot trỽy yr|hỽnn y|poenir pob bra+
ỽdỽr a|rotho cam varnn os kadarnnha
trỽy y|ymỽystlaỽ. TRi gỽrthỽyneb ys ̷+
syd; adef. neu wat. neu amdiffynn. Nyt
cỽbyl vn gỽat hyny talher cỽbyl reith
a|berthyno ỽrth y|dadyl. na|llỽ vn|dyn na
llỽ lliaỽs. LLe y|perthyno reith gỽlat. yno
y|dyly y|brenhin kymell reithỽyr y|r|creir.
y|tygu yn dylyedus gyt a|r|gỽadỽr. neu
ynn|y erbyn. ar eu deỽis. Reith gỽlat yỽ;
degỽyr a|deugeint o|wyr tiryaỽc dan y ̷
brenhin. Lle ny pherthynno reith gỽlat;
ynno y|dyly y gwadỽr keissaw reithw+
yr trwydaw e|hun. mal y|barnner idaỽ.
| « p 46r | p 47r » |