Cardiff MS. 1.363 (Hafod 2) – page 175r
Brut y Brenhinoedd
175r
rac ovyn twyll er rỽueynwyr.
AR rvueynwyr hagen e nos honn gwedy
kaffael onadvnt gwybot e darpar h+
wnn. Wynt a detholassant pymtheg|myl. ac a|e
hellyngassant hyt|nos yr ragot e karcharor+
yon e fford e tebygynt eỽ kerdet trannoeth
y keyssyaỽ eỽ rydhaỽ. Ac en tywyssogyon ar er rey
henny e gossodassant. Wltey. a chatyel. a Qvytỽs.
senedvr. Ac y gyt a henny evander brenyn syrya.
a ssertory brenyn lybya. ar rey henny oll y gyt ar m+
ylyoed a dywedassam ny wuchot. a chymryt eỽ
hynt racdvnt. a phan kaỽssant lle adas ka+
nthvnt llechv a gwnaethant. ac arhos e dyd e ff+
ord ed oed dyheỽ kanthvnt dyvot e brytanye+
yt. Ar bore tranoeth en e lle kymryt eỽ fford
a gwnaethant y brytanyeyt y gyt ac ev k+
archaroryon. ac val ed oedyn en agos yr lle
ed oedynt eỽ twyllwyr elynyon en eỽ haros.
ac|wyntev hep wybot dym o henny a hep y teby+
gv. en dyrybỽd eỽ kyrchv a orvgant er rvu+
eynwyr. a dechreỽ eỽ gwaskarỽ a mynet tro+
stvnt. Ac eyssyoes ket delyt vdvnt en dyssyvyt
| « p 174v | p 175v » |