Cardiff MS. 1.363 (Hafod 2) – page 180v
Brut y Brenhinoedd
180v
a mynet paỽb tros y gylyd onadvnt.
ac aerỽa dyrvaỽr e meynt o pob parth.
ar lleỽeyn a gordery en llenwy er awyr. ar
rey archolledyc ac eỽ penneỽ ac eỽ sodleỽ
en maydv er dayar. a|thrwy ev gwayt en ter+
vynỽ eỽ bwuched. Ac eyssyoes e kollet kyntaf
a devth yr|brytanyeyt. kanys bedwyr a las en
varỽ. a chey a vratvt* en anghevavl. kanys pan
ymkyvarfỽ bedwyr a boco brenyn mydyf y gan
gleyf hvnnỽ em plyth gelynyaỽl vydynoed e ss+
yrthyws. A|hyt tra ed|oed key en keyssyav dyal be+
dwyr em perỽed kat brenyn mydyf e brathwyt
en angheỽavl. Ac eyssyoes o devaỽt marchavc da ar
estondard a oed en|y law kan lad a gwaskarỽ y elyny+
on agor y fford ydaỽ a orvc. ac a|e vydyn en kyvan k+
anthav ef a dothoed em plyth y wyr e|hvnan pey na
ry kyvarffey ac ef bydyn brenyn lybya. A honno a
waskarwys er rey eydaỽ ef en hollaỽl. Ac entev eyssy+
oes y gyt ac echydyc a chorff bedwyr kanthaỽ a ffo+
es hyt a dan e dragon eỽreyt. Ac ena pa veynt o k+
wynỽan oed kan wyr nordmandy pan welssant corff
| « p 180r | p 181r » |