Cardiff MS. 1.363 (Hafod 2) – page 183v
Brut y Brenhinoedd
183v
y arnaỽch. Ac wrth henny nac aet ỽn onadỽnt en
ỽyw nac aet. Pa peth a gwneỽch chwy. A chan dy+
wedwyt er amadrodyon kyrchỽ y elynyon.
ac eỽ bvrỽ ac eỽ sathrỽ. ac eỽ llad. A phwy byn+
nac a kyvarffey ac ef ac vn dyrnaỽt y lladey ac
ef a|e varch. ac wrth henny paỽb a ffoynt racdaỽ
megys y ffoynt er anyveylyeyt rac|lleo dywal
pan ỽey newyn maỽr arnaỽ ac enteỽ en keyssy+
aỽ bwyt. A phwy bynnac o damweyn a kyỽar+
ffey ac ef ny|s dyfferey y arveỽ ef rac kaletfỽlch.
pan y treykley deheỽ e kadarn nerthavc|vre+
nyn hỽnnỽ hyt pan vey reyt talỽ y eneyt y gyt
a|y wayt. Deỽ ỽrenyn oc eỽ dryc damweyn a
kyvarfỽant ac ef. Sertor brenyn lybya. a ph+
olytetes brenyn bytynya. ar deỽ gwedy llad
eỽ penneỽ a envynwys y vffern. Ac|gwedy g+
welet o|r brytanyeyt eỽ brenyn en ymlad e ve+
lly Gwleỽder* a kymerassant ac ehofynder. a
chan tewhav ev bydynoed o vn ỽryt kyrchỽ
er rỽueynwyr. a hyt tra vydey e kat pedytk+
ant o|r neyll parth ar wed honno en eỽ kywar+
ssanghỽ. en vn agwed a henny y kat ỽarchogyon
| « p 183r | p 184r » |