Cardiff MS. 1.363 (Hafod 2) – page 39v
Brut y Brenhinoedd
39v
o·nadvnt. Ac eyssyoes gwedy gwelet o|r bro+
dyr aerỽa yr rey trystaỽ o peth a wnaethant. ac ey+
ssyoes annoc eỽ kytemdeythyon ac eỽ kynvllaỽ yn
eỽ bydyn. ac yn ỽynnych eỽ kyrchỽ ac eỽ kymhell
trachevyn y kylyaỽ. Ac o|r dywed gwedy llad lla+
wer o pob parth y wudỽgolyaeth a kaỽas y brodyr.
Ac gwedy llad gabyỽs a phorssenna y kaer a kyme+
rassant a chỽdyedyc ssỽllt y kywdaỽtwyr a ran+
nassant y eỽ kyt·ỽarchogyon yn dytlaỽt.
AC gwedy kaffael y wudỽgolyaeth honno bran
a trygvs yn amheraỽdyr yn rỽueyn yn dare+
stwng y pobyl o agklywedyc creỽlonder. A phwy
bynnac a ỽynho gwybot y weythredoed ef a|e dy+
wed kanys hystorya gwyr rỽueyn a|e traetha.
ỽrth hynny y peydyeys ynheỽ ac wynt kanys gor+
mod o hyt a blynder a|dodỽn yn y gweythret hỽnn
pey as|yscryỽenỽn. ac ymadaỽ am arỽ·aeth ac am
gweythret ỽuhỽnan. Ac yna yd ymchwelỽs beli.
hyt yn ynys prydeyn. a|thrwy hedvch a thagnhe+
ỽed y gorffennỽs ef dyewoed y wuched ac y llywus
y wlat. ac atnewydỽ a orỽc y keyryd a atveyly+
nt ac adeylat ereyll o newyd. Ac yn yr amsero+
| « p 39r | p 40r » |