Cardiff MS. 1.363 (Hafod 2) – page 62r
Brut y Brenhinoedd
62r
y llall. Ac o|r dywed gwedy yylenwy o kynỽel+
yn dyeỽoed y wuched ef teyrn Gwyalen y ky+
ỽoeth a llywodraeth y teyrnas a dygwydỽs yn
llaw Gwydyr. Ac gwedy attael o|r Gwydyr
hỽnnw y teyrnget a deley y talỽ y wyr rỽueyn
ef a deỽth Gloew kessar yr hỽnn a oed yn kynh+
al yr amherodraeth a llw maỽr kanthaỽ. Ac
y gyt ac ef y dothoed Jeulius haymo tyywssaỽc*
y lw ef oed hỽnnỽ. a|thrwy kyghor hỽnnỽ y
gwneyt ac y llỽnyethit pob peth o|r wnelyt
Ac yna gwedy dyskynnỽ Gloew kessar ym po+
rth kaer perys ef|a dechrewys kayw pyrth y
dynas a mwr maen a llỽdyas y kywdaỽtwyr
y dyỽot allan. kanys ef a ỽynney eỽ kymhell
y wedỽ ydaỽ neỽ ynteỽ hep trỽgared eỽ gwa+
rchae yn y lle honno hyt pan ỽydynt marw
AC gwedy bot yn honnedyc [ o newyn.
dyỽodygaeth Gloew kessar yr ynys ho+
nn Gwydyr yn dyannot a kynỽllỽs holl ỽar+
chogyon ynys prydeyn a|e holl wyr ymlad
ac yn erbyn gwyr rỽueyn y devthant. Ac
gwedy gwyscaw a bydynaỽ yn dyannot kyr+
| « p 61v | p 62v » |