Oxford Jesus College MS. 20 – page 47r
Saith Doethion Rhufain
47r
gafas dogyn ef a gyscaỽd y·dan vric y
prenn. Ac ef yn kysgu disgyn y bugeil
y|r llaỽr ac a dyrr bruant* y baed a chyll ̷+
ell. veỻy y deruyd y baed rufein ac y
dygir ffrỽyth yr amherodraeth y gan ̷+
thaỽ. Myn vy|gret heb yr amheraỽdyr
ny byd byỽ hỽy noc efory. Trannoeth
trỽy y lit kyrch y dadleudy a oruc yr
amheraỽdyr. Ac ar hynt erchi diheny ̷+
dyaỽ y mab. Ac yna y kyuodes augus+
tus y vyny. a dywedut val hynn. Arglỽ ̷+
yd heb ef ny wnel duỽ ytti wneuthur
am dy vab megys y gỽnaeth ypocras
am y nei. Beth oed hynny. Myn vyg
kret na|s managaf ytt ony rody dy
gret na dihenydyer y mab hediỽ.
Na dihenydyir myn vyg|cret heb ef.
N ei vab chwaer a oed y ipocras.
a goreu ffusugỽr oed o|r byt. A
gwedy anuon kennat o vrenhin vn+
garie y erchi y ypocras dyuot y iachau
| « p 46v | p 47v » |