Oxford Jesus College MS. 57 – page 126
Llyfr Blegywryd
126
a dyly y rodi. kanys yn|ỻe tyston y kynhelir gỽ+
aet neu gleis. O|r tereu dyn caeth dyn ryd. try*+
chet y laỽ deheu. ony thal arglỽyd y kaeth sar+
haet y ryd. Ergyt cryman yỽ naỽd caeth. Ny
byd godor yn reith aỻtut am yr hynn ny pher+
thyno reith gỽlat o·honaỽ. kynny thyngo dyn+
yon y·gyt ac ef. namyn rodet e|hun y lỽ yng+
hyueir pob dyn o|r a|dylyei dyngu gyt ac ef pei
kenedlaỽc. Sarhaet gỽreic caeth deudec keinya+
ỽc. Os gỽeingyaỽl vyd pedeir ar|hugeint yỽ
gỽerth y sarhaet. Sef yỽ honno gỽreic ỽrth y
notwyd Dirỽy caeth o|r ỻedrat kyntaf a|wnel
yỽ. chỽeugeint. O|r eil. punt yỽ. O|r trydyd. vn
gyfreith vyd a|gỽr ryd herỽyd dial. Pa le byn+
nac y gordiweder fflemaỽr. pedeir ar|hugeint
yng|gobyr diffryt drostaỽ a delir. a phedeir yng
kyueir pop kymỽt o|r y kerdaỽd drostaỽ. Ot a
y vrenhinyaeth araỻ. pedeir ar|hugeint yn
ỻaỽ a geif y neb a|e rydhao. ac o hynny y trae+
an a|gynneil ganthaỽ. a|r deu·parth a geiff
| « p 125 | p 127 » |