Oxford Jesus College MS. 57 – page 258
Llyfr Blegywryd
258
ar·gaeedigaeth enniỻ. yỽ; hyt ar y teruyn gossot+
edic. kanys tri ryỽ argaeedigaeth dadyl ynt. vn
o·nadunt yỽ; pei|damchweinei y dyn govyn tir
y|araỻ trỽy gỽyn a|haỽl gan arwein iaỽn disgyn+
nedic hyt ar nebun o|e rieni. neu ystlys|iaỽn o ble ̷+
gyt kyt·etiued kyny hanffei y tir o iaỽn rieni
a|gaỻu o|r attebỽr dodi yn|y erbyn gỽahanu yr
iaỽn ac ỽynt trỽy gyfreith dilis. a|e dyuot trỽy
gyfreith dilis y un o|e rieni y gaỻo ynteu arỽein
iaỽn diffodedic hyt attaỽ neu y gyt·etiued idaỽ
kyt bei gỽr dyuot. neu idaỽ e|hun. neu y estraỽn
y caffei y tir y ganthaỽ. megys y gaỻei dadleu
yn eu iaỽn. neu amser ymwystlaỽ am varn.
Eil argaeedigaeth yỽ. gaỻu o|attebỽr dodi yn
erbyn haỽlỽr a|arwedo iaỽn o bleit rieni neu
gyt·etiued neu o|e ansaỽd e|hun. ne pa un bynnac
araỻ vo diffodi yr iaỽn trỽy dadylwryaeth didỽ+
yỻ anyanaỽl barn ym|person y neb y harwedo
iaỽn o|e bleit neu y etiued. trỽy ordiwes y rieni
yn gamweresgynnwyr. neu aỻu o attebỽr ka+
darnhau perchennogoeth* hyn o|e|ansaỽd e|hun
| « p 257 | p 259 » |