Oxford Jesus College MS. 57 – page 293
Llyfr Blegywryd
293
kyfreith. a|dyweit. dylyu o·honunt eỻ deu yn gyntaf
rannu yn|deu hanner. a|chymryt o bop un yr
hanner nessaf attaỽ. a rannu o bop un yr han+
ner a|doeth yn nessaf attaỽ yn|deu|hanner. A gỽe ̷+
dy darffo rannu|ueỻy. rodet pob un dewis y gilyd
ar y rann a|rannaỽd. a honno yỽ rann duundeb
o kyfreith. Ereiỻ a|dyweit panyỽ yr ieuaf a|dyly rannu
a|r hynaf dewis. ony|byd uch breint yr ieuaf. o|der ̷+
uyd na wyper pỽy uchaf y vreint na phỽy issaf.
na phỽy hynaf. kyfreith. gyhyded a|vyd y·ryngthunt. ac
yna y dylyir y rann a|dywedassam ni uchot. O|deruyd.
bot peth ynghyt rỽng deudyn. a|r neiỻ yn myn+
nu rannu. a|r|ỻaỻ heb y vynnu. rannet yr hỽnn
a|vynn rannu a|dewisset y ỻaỻ. O|deruyd. bot peth
diwahan y·rỽng deudyn. megys ych neu uvch
neu varch. neu beth ny aỻer y dryỻyaỽ. a|r neiỻ
yn mynnu rannu. a|r|ỻaỻ heb y vynnu. y|neb a
vynn y rann. gỽnaeth y werth. a|bit yn newis y
neb ny|s mynn. ae wrthbrynu idaỽ ef y rann. a
hynny o da. a|gadel idaỽ e|hun yr aniueil. ae
| « p 292 | p 294 » |