Oxford Jesus College MS. 57 – page 38
Llyfr Blegywryd
38
yn|tal y sarhaet. kany|dyly eisted tra wneler
dadleu y brenhin. O|r|wys a|wnel y righiỻ
credadỽy vyd y eiryeu. Gỽys righiỻ a thyston
aduỽyn yn|y ỻe gan dystu udunt y wys. neu
daraỽ y post deirgweith. ny eiỻ neb vynet
yn|y erbyn onyt trỽy lys. Gỽys righiỻ heb
dyston o deir ỻaỽ y gỽedir. O tri mod y|ke+
dernheir gỽys. o tyston. a machniaeth. neu
auel. Teir|gỽys a eỻir eu gỽadu kynn am+
ser tyston. gỽys gan dystu ny wneir onyt
am tir a|o·vynner o|ach ac eturyt trỽy naỽ+
uettydyeu mei. neu galan gaeaf. O|r govyn+
nir tir yn amgen no hynny. neu beth araỻ.
a gỽadu vn wys trỽy tỽng amdanaỽ. trỽy
vechni y dylyir kadarnhau gỽys ar y neb
a|e gỽatto. Y ỻe y paỻo mechni vn·weith. ga+
uel a|dylyir y gymryt yno. ac os tir a|ovyn+
nir. tir a|auaelir. Paỻu machniaeth yỽ.
na rodher mach yn|y ỻe y dylyer. neu y
rodi a|e tremygu. Tremyc gỽys neu uach+
| « p 37 | p 39 » |