NLW MS. Llanstephan 27 (The Red Book of Talgarth) – page 50r
Deuddeg Pwnc y Gredo
50r
1
yr arỽydockeir y deudec pỽngk yssyd yn|y gredo. y rei a gyffe+
2
lybir y deudeng|mein maỽr calet o achaỽs kadarnet y gret
3
yndi e|hun a|e gỽastattet. kanys hynny a|dyweit yr yspryt
4
glan. y para ffyd a chreuyd yn|dragywydaỽl.
5
P ỽngk kyntaf o|r|deudec a berthyn ar y tat maỽr o|r
6
nef. sef yỽ hỽnnỽ. Credo in deum patrem omnipo+
7
tentem creatorem celi et terre. Sef yỽ ystyr y geiryeu hynny.
8
Mi a gredaf yn duỽ dat hoỻgyuoethaỽc creaỽdyr nef a dae+
9
ar. a|r pỽngk hỽnnỽ a|ossodes pedyr yn|y gret. Y chwech nesaf
10
a|berthynant ar iessu grist un mab duỽ a gỽir dyn. yr hỽnn
11
a|gymerth knaỽt o veir wyry wedy esgor a chynn esgor o
12
weithret yr yspryt glan heb vn achaỽs. Y kyntaf o|r chwe|phỽ+
13
ngk hynny yỽ. Et in ihesum christum filium eius unicum
14
dominum nostrum. Synnwyr y geiryeu hynny yỽ. Mi
15
a|gredaf y iessu grist yn arglỽyd ni mab duỽ. A|r pỽngk hỽn+
16
nỽ a ossodes andreas ebostol yn|y gret. Yr eil pỽngk yỽ. Qui
17
conceptus est de spiritu sancto natus ex maria uirgine.
18
A|r pỽngk hỽnnỽ a|ossodes Jago ebostol yr|hynaf. ystyr y
19
geiryeu hynny yỽ. yr hỽnn a|gahat o|weithret yr yspryt
20
glan ac a anet o veir wyry. Trydyd pỽngk yỽ. Passus sub
21
poncio pilato crucifixus. mortuus. et sepultus. a hỽnnỽ a|os+
22
sodes Jeuan ebostol. a hynn yỽ synnwyr y geiryeu hynny.
23
Jessu grist a|diodefaỽd dan y braỽdỽr yr|hỽnn a|elwit pon+
24
cius pilatus. ac a groget. ac a vu uarỽ. ac a|gladỽyt. Y pedỽ+
25
eryd pỽngk yỽ. Descendit ad inferna. a hỽnnỽ a ossodes tho+
26
mas ebostol. Sef yỽ ystyr hynny. Jessu grist a|disgynnaỽd
27
y uffern. Pymhet pỽngk yỽ. Tercia die resurrexit a|mortuis.
| « p 49v | p 50v » |