NLW MS. Llanstephan 4 – page 52v
Purdan Padrig
52v
a phaỽb oed yn drychafel ỻewenyd y|ỽ
gilyd. Nyt oed reit y neb ỽrth dim na+
myn gỽarandaỽ hynaỽster yr arogleu
tec a glywit yno. Bendigaỽ duỽ a|w+
naei baỽb pan edrychynt ar y marchaỽc
a ỻawenhau o|e dyuotyat ef yno megys
pei kychỽynnei vraỽt udunt o|veirỽ.
Ef a|welei atnewydu pob peth o|e dy+
uot ef yno. a phaỽb oed lawen. Sein
y seint a|glywit yn|y coreu o bop parth
Nyt oed yno na gỽres nac oeruel
na dim a aỻei na chodyant nac ar+
gywed y neb. Tangneuedus a bodlaỽn
a hegar oed bop peth yno. Ef a|weles
yn|y ỻe hỽnnỽ ar ny aỻei neb na|e
dywedut na|e ysgriuennu. Ac yna
y dywedassant yr archesgyb ỽrth y
marchaỽc. ỻyma vraỽt o nerth duỽ
y gỽeleist di yr hynn a|damuneist y
welet. yn dyuot yma y gỽeleist po+
eneu y pechaduryeit. ac yma y gỽe+
leist y gorffowys yssyd y|r rei kyfy+
aỽn. Bendigeit vo y creaỽdyr a bry+
naỽd paỽb ac a rodes ytti y ryỽ dar+
par o rat a|wnaeth ytt vynet trỽy
y poeneu gan wastattau yn ffyd grist
| « p 52r | p 53r » |