NLW MS. 3035 (Mostyn 116) – page 87v
Brut y Brenhinoedd
87v
y|ỻeỽ ar|y vantaỽl. A gỽedy gossotto eistedua. Y|ỻafurya
ar y|pỽys a|e palueu a|estyn ar y gogled. ỽrth hynny y
tristaant kymhydeu yr alban A|drysseu y temleu a|gay+
ant. Y|serennaỽl vleid a hebrỽg toruoed. Ac o|e achaỽs
ef kernyỽ a rỽym. Marchaỽc yn|y kerbyt a|ỽrthỽynepa
idaỽ yr hỽn a symut y bobyl yn vaed coet ỽrth hynnẏ
yd anreitha y gỽladoed ac y cud y ben yn annodun haf+
ren Dyn a|damblygir y gan y|ỻeỽ hỽnỽ byỽ A|ỻuchaden
eur a|daỻa y rei a|edrychont Yr aryant a|wynha ẏn|y
gylch. Ac amryfalyon bressureu a|ulinhaa. Yny bo os+
sodedic y gỽin y|medwant y|rei marwaỽl Ac yny bo e+
bryfygedic y|nef. Yd edrychant ar y dayar Y|syr a|dỽc
y gantunt eu drych A|r gnotaedic redec a wasgarant
Pan sorho y|rei hyny y ỻysc yr ydeu. a gỽlith a glaỽ a
neckeir Y gỽreid a|r keigeu a symudant chỽyl. A|newy*+
der y gỽeithret a|vyd enryfedaỽt Ychtywynedigrỽyd
yr heul a wanha yn echel Mercurius Ac a vyd aruth+
red y|r neb a|e hedrycho. Stilbon a symut taryan archa+
die A|uenus a eilỽ penfestin mars penfestin mars a
wna gỽasgaỽt. kyndared. Mercurius a gerda dros y|ther+
uyneu Orion hayarnaỽl a symut y gledyf. y|moraỽl heul
a vlinha yr ỽybyr. Jubiter a gerda dros y|gnotaedigyon
lỽybreu A|uenus a edeu y gossotedigyon linyeu. O|eneu
sadỽrn a dygỽyd o gyghoruynt Ac o grỽm gryman
y|ỻad y rei marwaỽl Deu wech rif tei y|syr a gỽyn ker+
det eu ỻetywẏr Gemini a ebryuy·gant eu gnottaedi+
gyon damgylchyneu A|r kelỽrn a alwant y|r fynhoneu
Mantaỽl y punt a dobynha yg|kam yny dotto y maha+
ren y grymyon gyrn ydanaỽ. ỻoscỽrn y sarff a greha
ỻucheit A|r cranc a amrysson a|r heul. Y|wyry a escyn
ar gefyn
| « p 87r | p 88r » |