NLW MS. Peniarth 11 – page 75v

hi yn|ehedec. A|phan weles ef na thygyei idaỽ geissyaỽ y varch

y myỽn. diodef hynny a|wnaeth. ac edrych a|wnaeth ar hyt yr ys+

graff ac ny welei dim. kanys tywyỻ oed y nos. Ac yna ef a ogỽ+

ydaỽd ar vỽrd y ỻong. Ac yno gỽediaỽ duỽ a|wnaeth ar y gadỽ

yn didrỽc o|e eneit a|e gorff. ac yno kysgu a|oruc ef. A phan deffro+

es ef a|welei yn|yr ysgraff gỽr aruaỽc dieithyr y benn yn noeth.

A gỽedy edrych ruthur arnaỽ. ef a|adnabu panyỽ peredur oed.

a mynet dwylaỽ mynỽgyl idaỽ a|oruc. a|ryued uv gan beredur

hynny. a|govyn idaỽ pa|vn oed. Paham heb·y bỽrt ponyt atw+

aenost di vyvi. Nac atwaen myn vyng|kret heb ynteu. a ryued

yỽ gennyf pa vod y geỻeist dy·uot yma y myỽn ony bei duỽ

a|th anuonei. Ac yna bỽrt dan chwerthin a|dynnaỽd y helym.

A|e adnabot ef yna a|oruc peredur. ac yna ymlawenhau a|oruc

pob vn ỽrth y gilyd onadunt. a menegi a|oruc pob vn o·honunt

y gyfranc y|ỽ gilyd. Ac ueỻy y trigyassant ỽy yỻ|deu yno.

Yma y|mae yr ymdidan yn tewi amdanunt ỽy yỻ|deu. ac yn

traethu y ỽrth galaath. 

E N* y|ỻe hỽnn y mae yr ymdidan yn|traethu panyỽ gỽ+

edy daruot y galaath amdiffyn peredur. y gan yr

ugein marchaỽc urdaỽl marchogaeth o·honaỽ trỽy fforestyd

y neiỻ wers hỽnt a|r ỻaỻ yma megys yr|oed y gyflỽr. yn|y ỻeoed

y gorffennaỽd ef ỻawer o anturyeu y rei nyt ydys yma yn eu

menegi. kanys ry hir a ry vlin vydei pei menegit pob vn o·na+

dunt yn ol y gilyd. Gỽedy daruot y galaath uarchogaeth

ar hyt brenhinyaeth loegyr ym pob ỻe o|r y clywei vot neb ryỽ

antur neu damwein enryued. ef a ymchoelaỽd tu a|r mor. Ac