NLW MS. Peniarth 15 – page 74

gelyn Ac y|etvrẏt yn diargẏ·wed y|hen rydit megẏs y|dywedir Ti a|rodeist

dy vab y|brennv* dy|was Discipulus. Os ef e|hvn a|rodes y|vab o|e vod beth a|becha+

wd Jvdas yr rodi yntev. Magister. Y|tat a|rodes y vab a|r mab e|hvn a ymrodes

yr karyat Jvdas. hagen a|e rodes ef yr chwant da Discipulus Paham ẏ|mẏnna+

wd ef varw ar y|prenn. paham ar|y|groc. Magister. Yr prynv pet·war|bann y byt

Discipulus Pa sawl awr y|bv grist yn varw. Magister. devgeint Discipulus Pa·ham yr prynv

pedeir|bann y|bẏt ẏ|rei hẏnnẏ a|vvessẏnt veirw ẏn|ẏ degeir dedẏf Discipulus. Pa hyt

y|gorwedawd ef ẏn|ẏ bed. Magister. Dwẏ nos a|diwarnnawt. Magister. Paham y|dwy

nos Magister A arwydockant dev ryw anghev ẏsẏd vn y|corff Ac vn yr eneit

A|r dyd yntev a|dengẏs yr anghev yr hwnn yssyd olevni ẏ|n anghev

nynhev Ac vn ohonvnt nyt amegen* anghev yr eneit a|distrywawd

a|r llall a|edewis yr trallawt yr etholẏdygẏonn a|honno hevẏt ẏn|ẏ diwed

pann del a|e distrywa. Discipulus. Pa|dv yd aeth ẏ|eneit ef gwedẏ varw. Magister.

Y baradwẏs nefawl. megẏs y|dẏwat wrth y|lleidẏr heddiw y|bedẏ

di ẏgẏt a|mi ym|paradwys Discipulus Pa|brẏt y|disgynnawd eff y vffernn

.Magister. Hanner nos Y nos y|kovodes* yn|yr awr y|distrywad* yr angel yr eifft yn|yr

vn awr honno Sef oed hẏnnẏ hanner nos ẏd yspeilawd krist vffernn ac

y|golevhaawd ef y nos megys ẏ|dẏd mal y|dẏwydir Yno a|olevheir megys

y|dyd a|gwedẏ yspeilaw vffern a|chyfvlehav yr etholedigẏon ym|paradwys

y|gowywad y|korff ẏn|ẏ bed a|deffroi o|veirw Rei hagen a|sẏnnyawd y|mae o|r

pann vv varw ef ẏnẏ gyvodes y|bv ẏgẏt a|r etholedigyon yn vfern. Ac odẏna

menet* ygyt Ac wynt ẏ|gyvodi Ac nyt velly y|bv kyhẏt y|bv ef yn vfern

Ac y|bv yn yspeilẏaw ac y|byd yn|barnnv dydbrawt Sef yw hẏnnẏ Ennyt

y|trewit yr amrant ar y|llall Discipulus. Paham na|chyvodes ef yr awr y|bv varw

nev nat ymarhoes yntev a|vei hwẏ am gẏvodi. Magister. Rac dywedvt na vuassei

varw Nev pei kyfvodei ympenn llawer o|amsser pedrvs vedei ae ef oed

Discipulus Paham y|kyvodes ef mor ebrwẏd a|hynny. Magister. Yr didanu y|rei eidaw

a|oedynt drist am ẏ|varw Discipulus Paham y|kẏvodes ef y|dẏd kynntaf o|r wy+

thnos. Magister. Yr atnewẏdv y|byt o|lewẏned ẏ|gyvodedigaeth ef ẏn|ẏr vn rẏw

dyd Ac ẏ|gwnnaethoed Discipulus. Paham ẏ|trẏdẏdẏd o|e|diodeifeint ef y wrth dẏr+

chavel y|vynyd y|rei a|oedẏnt veirw yn|y poenev yn|y tri amser nyt amgen

Amser dedẏf Ac amsser kẏnn dedẏf Ac amsser yr rat Ac yn|kyvodi drwy

ffyd y|drindawt o|achaws yn dẏgwydaw o|vedẏlyev a|geirev a|gweithredoed. Discipulus.

Paham na dywedy di ym pa|le y|bv ef ẏn|ẏ deugein niev. Magister. Gwedẏ y|gẏvodi

y|baradwys dayrawl gẏt Ac elẏ enoc a|rei a|gyvodassant ẏgẏt ac ef. Discipulus

Pa ffvryf a uu arnaw ef gwedy y|gyvodi. Magister. Gloewach oed seith weith no|r

hevl Discipulus. Pa|ffuryf y|gwelsant y rei a|oed eidaw ef. Magister. Yn|ẏ ffvryf y|gnota+

essynt gynn no hẏnnẏ y|welet Discipulus. A|oed dillat am·danaw ef. Magister. Gwisc o|r