NLW MS. Peniarth 18 – page 4r
Brut y Tywysogion
4r
1
y pebyllaỽd. a chymryt kyghor a|oruc pa|furyf y dare*+
2
ei ef y ieirll. neu y|gallei. neu y|gỽrthladei o|e holl teyr+
3
nas. a hynn pennaf a gauas yn|y gygor. anuon kenna
4
deu o|r bryttannyeit. ac yn ỽahanredaỽl ar ioruerth ap
5
bledyn. a|e ỽahaỽd a|e lu ger y|vronn. ac adaỽ mỽy idaỽ
6
noc a|gaffei gann yarll. ar|kyfuran a|berthynei y|gael o tir
7
y brytannyeit. hynny a|rodes y|brenhin y ioruerth ap
8
bledyn yn ryd tra uei uyỽ y brenhin. hep tỽg. a|hep tra*+
9
eth. Sef oed hynny poỽys. a|cheredigyaỽn. a|hanner
10
dyuet. kanys yr hanner arall a rodessit y uab baldỽin
11
a gỽhyr. a|cheth eli. a gỽedy mynet ioruerth
12
ap iorn bledyn y ca stell y brenhin. anuon a|oruc y an+
13
reithaỽ kyuoeth rotbert y|arglỽyd. ar anuonedic lu
14
hỽnnỽ gann ioruerth drỽy gyfulenỽi gorchymyn ior+
15
uerth eu harglỽyd a|anreithaassant kyuoeth ropert y
16
argluyd. trỽy gripdeilaỽ pob peth gantunt. a|diffeithaỽ
17
y|ỽlat. a|chynullaỽ diruaỽr anreith gantunt o|r ỽlat.
18
kanys yr iarll kynn o hynny a orchymynassei rodi cret
19
y|r bryttannyeit hep debygu cael gỽrthỽynebed gantu.
20
ac anuon y|holl auodyd*. a|e anyueileit. a|e oludoed a|e
21
holl enguhed y blith y bryttannyeit. hep goffau y sarha+
22
edeu a|gauas y|bryttannyeit gynt. y gann rosser y|dat
23
ef. a|hu braỽt y|tat. a rei a|oed gudedic gann y|bryttan+
24
nyeit yn|y callonneu yn vyuyr. Cadỽgaỽn ap bledynn
25
a maredud y vraỽt a|oedynt eto ygyt ar iarll. hep ỽy+
26
bot dim o hynny. a gỽedy clybot o|r iarll hynny. anobei+
« p 3v | p 4v » |