Breudwd Welsh Prose 1300-1425
Cymraeg

NLW MS. Peniarth 18 – page 64v

Brut y Tywysogion

64v

gỽyned. Ac yn llosci rei o|r treuyd. A gỽedy hyn+
ny yd|ymhoelaỽd y loeger. Ac yna o annoc y|ky+
threul yd ymedeỽis dauid a|chytemeidhas* llywelyn
y|vraỽt. Ac yd|aeth y loeger. A rei o|e aruollỽyr
ygyt ac ef. Ar amser hỽnnỽ y kyuodes barỽneit
lloeger. A|rei o|e eirll* ygyt ar kymry yn erbyn edỽard
ar estronyon. ac aruaethu y|gỽrthlat o|e plith
ac o holl loeger. a darestỽg y|dinessyd kadarnn+
haf onadunt. a|distryỽ y kestyll. A llosci y llysso+
ed. Ac yna y|distryaỽd* llywelyn y kestyll a|oed yn|y gy+
uoeth nyt amgen. diganỽy. A charrec faelan.
A grufud ap gỽenỽynỽyn a distryaỽd* castell yr|ỽyd+
gruc. Y|ulỽydyn racỽyneb y|bu gofadỽy ter+
uysc rỽg henri vrenhin ac edỽard y|vap a|e
kymhorthỽyr o|r neilltu. Ar ieirll ar barỽneit
o|r tu arall. Ac yn hynny y|doeth hyt ymaes
leỽys. brenhin lloeger a|e deu vap. A brenhin yr
almaen a|e deu uap. ỽedy ymaruoll ygyt ar|da
la y ieirll ar|barỽnneit a|oedynt yn mynnv ky+
ureithev a|deuodeu da lloeger. Ac eissoes y|tyg+
hetuen a|ymhoelaỽd yn|y gỽrthỽynep. canys y
ieirll ar barỽneit a|delis yno y brenhined a
deu uap henri vrenhin. nyt amgen. edỽard
ac edmỽnt. A phum ar|hugein o|r barỽneit
pennaf a oed ygyt ac ỽynt. A llaỽer o|r mar+
chogyon bonedickaf onadunt ỽedy llad mỽy