NLW MS. Peniarth 18 – page 6v
Brut y Tywysogion
6v
1
yr ỽlad gennadeu y venegi y|r giỽdaỽt pỽy|bynnac
2
a gilyei attaỽ ef. y|caffei amdiffynn. a rei a gilyas+
3
sant attaỽ ef. Ac ereill y arỽystli. ereill y uaelenyd.
4
ereill y|ystrat|tyỽi. a rann uỽyhaf ohonunt y|dyfet
5
yd|aethant ynn|y lle yd oed gerald ynn ueddyanus.
6
A|phann yttoed ef ynn mynnu eu diua ỽynt. ef
7
a|damỽeinaỽd dyuot ỽallter ucheluaer caer loeỽ y
8
gỽr y|gorchymynnassei y|brenhin idaỽ lyỽodraeth
9
caer loeỽ. ac amdiffynn lloegyr hyt yg|kaer uyrd+
10
din. A phann gigleu hynny eu hamdiffyn a|oruc.
11
A|rei onadunt a|gilyaỽd y arỽystli. ac y kyhyrdaỽd
12
gỽyr maelenyd ac ỽynt. ac y lladyssant. a rei a|gil+
13
yassant ac vchdryt a|diaghassant. A|rei a|gilyỽys
14
y ystrat|tyỽi. meredud ap ryderch a|e haruolles yn
15
hegar. Cadỽgaỽn ac yoỽein a|ffoassant y log a|oed
16
ynn aber dyfi. a|dathoed o Jỽerdon ychydic kynn+
17
o|hynny a|chyfneỽit yndi. Ac yna y|deuth mada+
18
ỽc a|e uraỽt. a|llyỽarch ynn erbyn uchdryt hyt
19
ynn ryt corunec. Ac yno pebyllaỽ a|orugant. Ac
20
yn|y diỽed y|doeth uchdryt yna. a|gỽedy y|dyuot y
21
mynnassant hỽy kerdet hyt nos a|diffeithaỽ y
22
gỽladoed yny vei dyd. Ac yna y dyỽat vchdryt vr+
23
thunt. o reig|bod ychỽi nyt reit hynny. kany dylyir
24
tremygu cadỽgaỽn. ac yoỽein. kanys gỽyrda gry+
25
mus ynt a deỽron. a|medylyaỽ llaỽer y|maent. Ac
26
atuyd y|mae porth vdunt hyt na|s gỽdam ni. Ac
« p 6r | p 7r » |