Breudwd Welsh Prose 1300-1425
Cymraeg

NLW MS. Peniarth 18 – page 9r

Brut y Tywysogion

9r

1
bon. a|e nyeint. kannys ot ymgyffredinỽn dim a
2
chỽi. neu yr ym ynn mynet hayach ynn erbyn gor+
3
chymun y|brenhin. ni a|gollỽn ynn kyuoeth. Ac an
4
carcherir yny vom ueirỽ. neu an lledir. ỽrth hynny
5
mi ach gỽediaf megys kyueillon. ac ach|gorchymyn+
6
naf megys arglỽydi. ac ach eirolaf megys kereint.
7
na|th trossỽch fford ym kyuoeth i. na fford y gyuoeth
8
cadỽgaỽn moe noc y|gyuoeth gỽyr ereill ynn kylch.
9
kannys mỽy o annogedigaethu a|geissir ynn her+
10
byn ni noc ynn erbynn ereill ynn bot yn gylus.
11
A|thremygu hynny a|ỽnaethant. namyn moyvỽy
12
yn|y kyuoeth y|mynychynt. Ac abreid y gochelynt
13
gynndrycholder y|gỽyr e|hunein. A Joruerth a|geiss+
14
aỽd eu hymlit. a chynnullaỽ llaỽer o|ỽyr a|oruc. ac
15
eu hely. Ac ỽynt a|e gochelassant pob ychydic. ac
16
ynn vn coryf ygyt y kyrchassant gyuoeth vchdryt.
17
hyt ym meironyd. A phann gigleu meibon uchdryt
18
a|e teulu. y rei a|ollygassei uchdryt y|amdiffyn y|tir
19
anuon a|orugant y|ueironnyd y|beri y|baỽp dyuot
20
attunt y|gyueilaỽc y ỽrthlad y gỽyr oc eu tir. kan+
21
nys ynn gynntaf y|doethoedynt y|gyueilaỽc yn|y lle
22
yd oed meibon uchdryt. Ac ny a allyssant y|gỽrthlad.
23
Ac yna yd ymgynnullaỽd gỽyr meironnyd hep ohir
24
ac y|deuthant at meibon vchdryt. Ac ual yd oed y
25
oỽein. A madaỽc ynn llettyu yg|kyueilaỽc. trannoeth
26
y|bore aruaethu a|orugant mynet y|ueironnyd y