NLW MS. Peniarth 190 – page 200
Ymborth yr Enaid
200
mereritliỽ idaỽ. a|dyrnued amyl y|r gỽr
mỽyhaf yn|y let. a|rychwant ehalaeth yn|y
hyt o|r eneitrỽyd y|gilyd. ac ydan hynny
dỽy burloewduon hirueinyon aeleu.
megys dỽy veingk o|r muchud gloewdu+
af a vei. y myỽn diruaỽr greic o|r crissy+
aỻt neu o|r mererit ỻathyrwynnaf o|r
a aỻei vot. neu gynhebic y dỽy vein+
bleth o veinsidan gloewdu. a|r dỽy lawes
o|r ysgarlat claerwynnaf a vei. ac y·rỽng
y|dỽyael arỻỽybyr peuyrganneit disgleir+
der. megys maen mererit ỻathreit y|ng+
hymherued byrỻysc o|r ba* gloewduaf a vei.
Ac odyna y·dan y deu amrant ganheit+
lathyr ac ambeỻ|uleu gloewduon arna+
dunt megys ar yr aeleu yd oed deu rud+
eỻyon lygeit bỽmpaeid dremwalcheid.
Ac|onadunt yn gỽanegu man|dagreu
karueidserch. megys man·wlith mis|mei.
neu van dafneu o aryant ˄byỽ. a hynny o|an+
nỽylserch garyat ar y fydlonyon greadu+
| « p 199 | p 201 » |