NLW MS. Peniarth 190 – page 263
Penityas
263
saf ry bechu o·honaf yn diruaỽr yng|kebyd+
yaeth. kanys mi a chwennycheis da ereiỻ
lawer gỽeith yn anghyfyaỽn. ac a vum hael+
fflons yn rodi. a chyrrith yn attal. a thrỽy wn+
euthur ỻedrat. mal y dywetpỽyt o|r blaen.
O lythni|Mi a gyffessaf ry bechu o·honaf
yng|glythineb. kanys ym mỽyt a|diaỽt y
gỽneuthum anghymedrolder. ac o|r achaỽs
hỽnnỽ y doeth ym drỽy vy hun vudred go+
dineb yn vynych. a ỻawer gỽeith gỽeith gỽ+
edy vy|mỽyt ny|s|diolcheis y duỽ yn dylyedus.
ac ny wedieis dros y rei y buchedockeis o|e ỻa+
uur. ac a|gymereis vỽyt yn ampryt. mal y
traethỽyt o|r blaen. O lesged. Mi a|gyffessaf
ry bechu o·honaf yn or·mod yn ỻesged a di+
ogi. gan dremygu gỽarandaỽ pregetheu a
geiryeu duỽ. a|dysgu da y gan ereiỻ. a|chym+
ryt o·honaf aruedyt da a|e adaỽ. a|r amser y
dylyỽn lauuryaỽ yn ysprydaỽl mi a ymrod+
eis y drymluaỽcrỽyd a seguryt. ac a vum e+
bryuugus yng|gỽassanaeth dwywaỽl. ac
| « p 262 | p 264 » |