NLW MS. Peniarth 190 – page 78
Ystoria Lucidar
78
deuir y pechodeu drỽy y bedyd y|r rieni
paham y bedydyir y rei a aner ohonunt
ỽynteu yn vyỽ. Magister O|r gỽenỽynir pastei
ef a|vyd gỽenỽynaỽl y bara. a phob peth
o|r a|del o·honei. veỻy y bu adaf yn beỻen
lygredic. a phaỽb o|r a anet o·honaỽ a
lygrỽyt o bechaỽt. pei na wnelit yn vyỽ
trỽy ved yn angheu y prynaỽdyr. ac me+
gys y glenheir y rieni drostunt e|hunein
yn|y bedyd. veỻy y mae reit atnewyd* y
plant drostunt e|hunein yn|y dedyf drỽy
angeu crist. Megys y dywedir. Paỽb a|w+
neir yn vyỽ yng|crist. discipulus Paham na at
duỽ y rei dyuot y|r byt y gaffel bedyd. neu
paham gỽedy ganer y dỽc duỽ o|r byt
kynn eu bedydyaỽ. Magister Brodyeu dirgeledi+
gyon yỽ hynny. o achaỽs yr etholedigyon
hagen yỽ hynny. o welet y rei hynny ym
poeneu heb y haedu. ac ỽynteu yng|gogo+
nyant heb y haedu heuyt. yna y byd mỽy
eu|diolỽch yn|duỽ. am eu diangk o|e rat ef o|r
| « p 77 | p 79 » |