NLW MS. Peniarth 32 (Y Llyfr Teg) – page 13
Llyfr Iorwerth
13
Ef a|dyly calonneu ac esgeueineu yr aniueil+
eit a ladher yn|y gegin. y borthi y hebogeu.
Ef a dyly dauat hesp. neu pedeir keinyaỽc y
gan vileineit y brenhin. un weith yn|y vlỽydyn.
Ef a dyly traean dirỽy yr hebogydyon. ac
amobyr eu merchet. Ef a dyly croen hyd
yn hydref. a|r gỽanhỽyn croen ewic y wneu+
thur menyc y arwein y hebogeu. a thafyl+
hualeu. Ef a dyly y anrydedu o deir anrec
y dyd y ỻadho y hebaỽc un o|r tri ederyn.
ae bỽn. ae creyr. ae garan. Ef a dyly manteỻ
y brenhin. y marchocao yndi yn|y teir|gỽyl ar+
benhic. Y naỽd yỽ hyt y ỻe peỻaf y ỻadho
y hebaỽc ederyn. Y naỽd herỽyd ereiỻ yỽ hyt
ar y vrenhines. Ef a|dyly yr hỽyedigyon. Ef
a|dyly nythot yr hebogeu. a|r ỻamhystennot
a|vo yn adardy y brenhin. O|r pan dotto y hebaỽc
yn|y mut yny tynho aỻan; ny dyly atteb o
neb haỽl. o·nyt y vn o|e gytsỽydogyon. Y
sarhaet yỽ chwe bu a chweugeint aryant.
Y werth yỽ chwe|bu a chweugein|mu gan y|ar+
P Ymhet yỽ ygnat ỻys [ drychafel.
Ef a|dyly y dir yn ryd. a|e varch pressỽyl
a|e deir|gỽisc yn|y vlỽydyn. Y le yỽ am y tan a|r
brenhin. yn nessaf y|r offeiryat teulu. Y letty yỽ
ystaueỻ y brenhin. yr honn y bo yn kyscu yndi.
| « p 12 | p 14 » |