NLW MS. Peniarth 32 (Y Llyfr Teg) – page 15
Llyfr Iorwerth
15
y gan bop ygnat o|r a brofho ef. ac yn|y ỻe y bo
yn kyt·uarnu braỽt ac ygneit ereiỻ rann deu
ỽr. Y naỽd yỽ hyt ar y vrenhines. Ereiỻ a dywe+
it panyỽ o|r pan|dechreuho dosparth y dadyl
gyntaf; yny deruynho y diwethaf y dyd hỽnnỽ.
O|r deruyd y dyn ymwystlaỽ ac ygnat ỻys;
neu ygnat araỻ. o geiỻ y|dyn hỽnnỽ profi
bot yn gam y vraỽt. coỻet yr ygnat y|dauot.
neu ynteu a|e prynho y gan y brenhin. yr y
werth kyfreith. Os yr ygnat a|oruyd. talet
idaỽ y sarhaet. Sef yỽ hynny chwe|bu a chỽ+
eugeint aryant gan y ardrychafel. Y werth
yỽ chwe|bu a|chỽeugein|mu gan y ardrychafel.
E |Chwechet yỽ y pengỽastraỽt; ef a dy+
ly y dir yn ryd. a|e varch pressỽyl. a|e
wisc teirgweith yn|y vlỽydyn. Y le yỽ am y
kelui a|r brenhin. Y letty yỽ y ty nessaf y|r ys+
cubaỽr. ỽrth dylyu o·honaỽ rannu yr e+
branneu. a|dỽy·rann o|e varch e|hun o|r ebran.
Ef a|dyly pedeir keinyaỽc o bop march o|r a
rodho y brenhin. dieithyr y dri|dyn. yr esgob. a|r
penhebogyd. a|r|croessan. Sef achaỽs na|s dy+
ly y gan yr esgob; ỽrth y vot yn beriglaỽr y|r
brenhin. a|dylyu o|r brenhin. kyuodi racdaỽ. ac eisted
yn|y ol. a daly y lewys tra ymolcho. Sef ach+
aỽs na|s|dyly y|gan y penhebogyd; ỽrth dylyu
| « p 14 | p 16 » |