NLW MS. Peniarth 32 (Y Llyfr Teg) – page 35
Llyfr Iorwerth
35
1
canu kyntaf yny deruyno y diwethaf. Vn
2
sarhaet ac vn werth yỽ a|r gof ỻys. chwe|bu
3
a chỽeugeint aryant y sarhaet. Y werth yỽ
4
chỽe|bu a chỽeugein mu.
5
U Nuet ar|dec yỽ yr olchydes. hi a|dyly y
6
bỽyt a|e diỻat o|r ỻys. a seic pan vo y brenhin.
7
Hi a|dyly anrec y gan y vrenhines. y|dyd y|golcho
8
idi. Y naỽd yỽ hyt y bỽryo a|e golchbren. Y
9
sarhaet yỽ traean sarhaet y gỽr. ac o·ny byd
10
gỽryaỽc; hanner sarhaet y braỽt. ac ueỻy
11
am bop gỽreic. Uchot y traethassam ni o|r
12
sỽydogyon ac eu breinheu. Yma weithyon y
13
traethỽn o gyfreitheu gỽlat.
14
N aỽ tauodyaỽc yssyd. Sef ynt y rei hyn+
15
ny. arglỽyd y·rỽng y deuwr. abat y·rỽng
16
y deu vynach. Tat y·rỽng y deu uab. O|r byd
17
un o|r rei hynny uchot ny mynno dodi ym
18
penn y tri thauodyaỽc. kyn·ny|s mynho y|ỻaỻ.
19
kyfreith a|eirch dodi yn eu penn. Pedweryd
20
yỽ ygnat ar y vraỽt. O|r deruyd y un o|r dỽy
21
bleit y bu y gyfreith rydunt wadu y vraỽt.
22
a|r ỻaỻ yn|y hadef. geir yỽ y eir ef yna ar y
23
vraỽt. Pymhet yỽ mach am y vechni. O deruyd
24
y hadef. a|dywedut o|r neiỻ mae ar beth maỽr
25
y mae yn vach. a|r ỻaỻ y mae ar beth bychan.
26
kan adefỽyt y vechni; credadỽy yỽ ef. py ar
« p 34 | p 36 » |