NLW MS. Peniarth 36A – page 15r
Llyfr Blegywryd
15r
aỽc. Y neb a vynho tystu gỽall
y myỽn dadyl yn erbyn perchen tauo+
dyaỽc. tystet ar y tauodyaỽc. kany ellir
profi vn gỽall ar y perchen. kanys kan ̷+
hat yỽ idaỽ tewi o gyfreith tra parhao
y dadyl oll. Llyssu tyston a uyd val y de ̷+
wisso y tauodyaỽc ae trỽy alanas oe
pleit e hunan ae trỽy alanas o pleit y
perchen. kanys yn eu herbyn ell deu y
tystir. Ny dylyir rỽymaỽ vn dadyl trỽy
tystolyaeth ar wallaỽgeir heb ganhat
y brenhin or perthyn idaỽ dirỽy neu a vo
mỽy am y dadyl ony thystir. kanys or
llyssir ny cheiff y brenhin dim. Ac ony
lyssir; ny cheiff mỽy no chamlỽrỽ.
Os keitwat a gyll adneu heb golli y
da e hunan. ef a| tal y collet oll o gyf ̷+
reith. LLyfyr kynaỽc a dyweit hagen bot
yn haỽs y| gredu ef or dygir y da ef yn
lletrat gyt ar llall. a gỽelet torr ar y ty
ef a dyly hagen tygu a dynnyon y ty
y vot ef yn iach or da hỽnnỽ. Or cledir y
dayar hagen dan y ty gỽedy gỽnel ef y gyfreith
| « p 14v | p 15v » |