NLW MS. Peniarth 36A – page 6v
Llyfr Blegywryd
6v
wheugeint. a rodet lỽ deg wyr a deu
vgeint. Y neb a wnel kynllỽyn; talet
dirỽy deu·dyblyc yr brenhin. a gỽerth
y dyn yn deudyblyc a telir yr gened ̷+
yl herwyd breint y dyn.
O Naỽ affeith tan kyntaf yỽ kyg ̷+
hori mynet y losci. Eil yỽ du ̷+
unaỽ ar neb a| losco. Trydyd yỽ mynet
yg|kedymdeithas y neb a losco hyt y lle
y lloscer. Petwyryd yỽ ymdỽyn y rỽyll.
Pymhet yỽ llad y tan. Whechet yỽ;
keissaỽ dylỽyf. Seithuet yỽ whythu y
tan hyny enynho. ỽythuet yỽ rodi y
tan yr neb a losco ac ef. Naỽuet yỽ;
etrych y llosc gan y odef Pỽy bynhac a
watto vn or affeitheu hyn; rodet lỽ deg
wyr a deu vgeint. Y neb a| latho tan
neu ae whytho hyny enynho. neu a
rotho tan yr neb a losco ac ef; hanher
y collet a| wnel y tan a tal. ar hanher a ̷+
rall a discyn ar y neb a dotto tan y my ̷+
ỽn yr hyn a loscer. A hỽnnỽ yỽ cỽbyl
| « p 6r | p 7r » |