NLW MS. Peniarth 37 – page 44v
Llyfr Cyfnerth
44v
oet un dyd a blỽydyn kyt dechreuo ho+
li yr haỽl gwedy hynny ny cheiff dim
Canys haỽl tra blỽydyn yỽ.
Y Neb a holo tir yn naỽuet dyd rac+
uyr Braỽd a geiff o·honaỽ kyn
naỽuet mei. Ony cheiff braỽd y+
na holet yn naỽuet dyd mei elchwyl
Or myn y gaffel. Ac odyna agoret
uyd gwir idaỽ pan uynho y brenin. Ny
dyly neb kyffroi haỽl am tir namyn
yn un or deu naỽuet dyd hynny. ~ ~ ~ ~
Y Neb a holo tir yn naỽuet racuyr neu
yn naỽuet dyd mei. yn| y trydydyd
y roddir atteb idaỽ ac y naỽuet dyd y
keiff barn. Os naỽuet dyd mei y dech+
reu holi a gohir am uarn o dyd y gi+
lyd hyt aỽst. Ny cheiff barn hyt na+
ỽuet dyd racuyr Canys tymhor ca+
| « p 44r | p 45r » |