NLW MS. Peniarth 38 – page 17r
Llyfr Blegywryd
17r
1
ỽrth y notỽyd. Dirỽy kaeth o|r lledrat kyntaf a
2
ỽnel; ỽheugeint. O|r eil; punt. O|r trydyd; vn di+
3
al vyd a gỽr ryd herỽyd kyfreith. By le byn ̷+
4
hac y gordiỽeder kaeth yn flemaỽr; pedeir ke ̷+
5
inhaỽc yghyfeir pob kỽmhỽt a|gerdỽys dr+
6
ostaỽ a|telir. a|phedeir ar|hugeint y gobyr dif+
7
fryt. O|r a y vrenhinyaeth arall; pedeir ar|hu ̷+
8
geint yn llaỽ a geiff y neb a|e rydhao. ac o hyn+
9
ny y trayan a|gynheil ef gantaỽ. a|r deuparth
10
y perchen y tir. Y neb a veichocco gỽreic ka+
11
eth dyn arall; paret ef ỽreic arall y ỽassana ̷+
12
ethu yn lle honno hyny agho. ac odyna ma+
13
get ef yr etifed. ac o|r byd marỽ y gaeth y ar
14
yr etifed; talet y neb a|e beichoges y gỽerth y
15
harglỽyd. Y neb a|gyttyo a gỽreic kaeth
16
heb ganhat y harglỽyd; talet deudec kein+
17
haỽc idaỽ dros pop kyt. Pop ryỽ dyn eith ̷+
18
yr alltut. a vyd drychafel ar y ỽerth a|e sar ̷+
19
haet. lle talher vgeinheu o aryant gyt a|r
20
gỽarthec. yn lle ardrychafaeleu y kynhelir.
« p 16v | p 17v » |