Breudwd Welsh Prose 1300-1425
Cymraeg

NLW MS. Peniarth 38 – page 34r

Llyfr Blegywryd

34r

gan ỽr yn llathrut o|e bod. pan atter. sef vyd y|he  ̷ ̷+
gỽedi; ỽhech eidon kyhyt eu kyrn ac eu hyskyfarn.
y verch tayaỽc o|r kyfryỽ dadyl; tri eidon vn oet a|r
rei hynny a|telir idi Gỽreic gỽr ryd a|dichaỽn rodi
y mantell a|e chrys a|e|phenlliein a|e hescityeu. a|e blaỽt
a|e|chaỽs a|e hemenyn a|e llaeth heb ganhat y gỽr.
a|benffygyaỽ holl dodrefyn y thy a dichaỽn. Ny dyry
gỽreic tayaỽc heb ganhat y gỽr onyt y|phen·gỽch.
ac ny eill benffygyaỽ onyt y gogyr. a|hynny hyt
y clyỽher y galỽ a|e|throet ar y|throtheu Gỽreic
a geiff gan tat y mab er y vagu kyhyt ac y dyỽespỽyt
vry. peis a talho pedeir keinhaỽc a buch deỽisseit
a|phadell a|talho keinhaỽc. kyfreith. a|charreit o|r yt
goreu a|tyfho ar tir y tat. a hynny y|r tayogeu. ~ ~ ~
Mab bonhedic a dylyir y vagu val hyn. mam y
mab gyssefin a|e hymdỽc naỽ|mis yn|y chroth. a|th  ̷+
ri mis gỽedy ganher hi a|e mac. a|hynny yn lle blỽ+
ydyn idi. Odyna y|tat a|dyly y vagu. a|pheri y holl
gyfreityeu. yn gyntaf y|dyry dauat a|e chnu a|e|hoen.
Odyna gỽeren neu geinhaỽc. a|phadell hayarn