NLW MS. Peniarth 45 – page 103
Brut y Brenhinoedd
103
1
herbyn a chychwyn a wnaeth kynan a
2
llu maỽr gantaỽ parth|a norhamtỽn lle
3
yd oed pebylleu maxen a|e lu. Ac gỽedy eu
4
gwelet o uaxen ouynhau a|wnaeth o ue+
5
int y llu a gleỽder y bryttanneit ac nat o+
6
ed gantaỽ ynteu obeith o tangheued. A
7
galỽ y gynghor a|wnaeth attaỽ a meuryc
8
uab karadaỽc. Ac yna y dywaỽt meuryc
9
arglỽyd heb ef nyt oes le ini y ymlad ar
10
gwyr racỽ. Ac nyt yr ymlad y doetham
11
yma. Namyn tagnheued yssyd iaỽn y
12
erchi udunt. A llety yny vypom ewyllis
13
y brenhin ymdanam. A dywedỽn yn bot
14
a|chenadỽri genhym y gan amheraỽdyr ruuein.
15
at Eudaf urenin. ynys. prydein. A cheissỽn y ue+
16
lly tangnhouedu ac wynt. Ac odyna kym+
17
ryt a oruc meuryc deudeng wyr o wyr
18
llỽydyon doethon addỽyn a cheing o|r
19
oliwyd yn eu deheuoed a dyuot rac bron
20
kynan. Ac gỽedy gwelet o|r bryttanneit
21
y gwyr adỽyn hynny ac arỽyd tangnhe+
22
ued gantunt. kyuodi a wnaethant yn
23
eu herbyn. A|e haruoll yn anrydedus.
24
A phan doethant ger bron kynan y an+
25
nerch o pleit sened ruuein. A menegi idaỽ
26
ry anuon maxen a chennadỽri gantaỽ
| « p 102 | p 104 » |