NLW MS. Peniarth 45 – page 206
Brut y Brenhinoedd
206
ar ymladassei teir gweith ac arthur ac a fo+
assynt hyt yno. Ac yno yd athoedynt y|m+
yỽn ynyssed oed y myỽn llyn llumonỽy y
geissaỽ diogelỽch o|r lle cadarn hỽnnỽ Can+
ys yn|y llyn hỽnnỽ y mae tri ugein ynys
a|thri ugein auon a|daỽ idaỽ. Ac ny ret o+
honaỽ namyn un. Ac y myỽn yr ynyss+
ed tri ugein carrec. A nyth eryr ym pob ca+
rec. Ac un weith pob blỽydyn yd|ymgyn+
nullant y gyt yn|yr amseroed hynny ac
y dangossynt ar y llysseueu y damweineu
a|delhei yr teyrnas hyt ym pen y blỽydyn
ac hyt yno y foassei yr yscotyeit ar fich+
tyeit ac ny dygrynoes udunt Canys eu
kylchynu a llogeu ac ysgraffeu a oruc ar+
thur a|e gwarchae y·uelly trỽy pytheỽnos
yny uu uarỽ hyt ar uilyoed o·nadunt o
newyn. A phan yttoedynt y·uelly nach+
af Gillamỽri urenin. iwerdon a llyghes
uaỽr gantaỽ yn dyuot yn porth yr gene+
dyl truan boenedic yd oedit yn|y gwar+
chae. Sef a oruc arthur ymadaỽ ar yscotty+
eit ar fichtyeit. Ac ymchoelut eu harue+
u yn|y gỽydyl. a|e llad heb trugared a|e
kymell ar fo. Ac gwedy fo y|gỽydyl. ym+
| « p 205 | p 207 » |