NLW MS. Peniarth 45 – page 63
Brut y Brenhinoedd
63
yn eu pebylleu. Ac yna y bu kyn caletet
y urỽdyr*. yny oed y tyweirch yn redec o|r gwa+
et mal pei delhei deheuwynt yn deissyuyt
y todi eiry a|reỽ. Ac yn|yr ymfust hỽnnỽ y
kyuaruu y uydin yd oed nynyaỽ uab beli bra+
ỽt y brenin. Ac auarỽy uab llud y nei uab y
uraỽt yn|y llywyaỽ. A|bydin ulkassar. A|llin+
aru bydin yr amheraỽdyr. Ac yna yd|ym+
gyuaruu nynyaỽ ac ulkassar. A|llewenyd
a gymyrth nynhyaỽ o gyuaruot a|gỽr kyf+
urd a hỽnnỽ a|e kyrchu yn diannot. A phan
welas ulkassar y kyrchu ar cledyf noeth troi
y taran yn gyflym a oruc. Ac erbynneit y
dyrnaỽt arnei. A gossot a|wnaeth ynteu ar
nynyaỽ o|e holl nerthoed ar warthaf y hel+
ym a|e penfestin. A cheissaỽ yr eil yn gyflym
ual y bei agheuaỽl. Ac erbyneit y dyrnaỽt a
oruc nynhyaỽ ar y taryan a chymeint uu y
dyrnaỽt ac yny lynỽys y cledyf yn|y taran*
ac rac ruthyr y bydinoed yn teỽhau am eu penn
y bu reit yr amheraỽdyr adaỽ y gledyf gan nyn+
hyaỽ heb y cael o|r taryan. Ac gỽedy cael o nyn+
hyaỽ y cledyf hỽnnỽ. y gỽnaeth aerua dirua+
ỽr y meint o|e elynyon ac gwedy treulaỽ lla+
wer o|r dyd yn|y wed honno O|r diwed y cauas
| « p 62 | p 64 » |